Ko Toolii mon ka Blog am

Ko fii honnɗun mbaa ngesa?

 

   
Jaɓɓorde:

Musiɓɓe tedduɓe,

On jaɓɓaama ka ngesa pulaar/fulfulde ɗoo, no geloriɗon non wonde geɓal pulaar ngal hino fanɗi ka jowlol enternet, taw ko maa yarlitiiɓe men immanoo en fii anndinnde ɗemngal men ngal, ɓen juurotooɓe enternet, sabu ko ɗemngal woni wonkii leñol, si a nanii fulɓe, ko si pulaar/fulfulde hina winndeede janngee jannginee!

 Hiɗon anndi gila ko neeɓi, gooto kala hino tiɗnoraade yeru mun on fii ɓamtal pinal mun e ɗemngal mun, ko haɗata en enen kadi Afrik ɓamtude pine men e ɗemɗe men? Ɗum alaa e miijo am!

Haray non janngude ɗemngal mun ngal, hollaa tertaade ɗeya ɗemɗe! Ɗum ko faayere! Sabu janngugol ɗemnɗe goo hino moƴƴani en fota wonaa seeɗa, ngam no aduna on udditorana en, tawde ko no neɗɗo on janngiri ɗemnɗe woo, aduna on udditorannta mo hoyana mo; kadi newanoo mo e dow yaajeende.


Kono si en taskike banndiraaɓe tedduɓe, en taway alaa ko ɓuri fotude ka aduna ɗoo, haa hewtitoo janngude janngina ɗemngal mun, tambitoo fii no ngal ɓamtora e kala banngal, wano ɓeya gerdiri non! Sabu yiɗugol hoore mun wonaa añangol goɗɗo goo!


Awa ɓandiraaɓe tedduɓe,

En torondirii en fof wakkilanagol ɗemngal men ngal yeru taaqa (fehre) me'en on; haa ɓiɓɓe men ɓen fina tawa hiɓe mari ko timmi tis, ko aldaa e jiɓi liɓi, ɗum wonay sabu haa heddoren naamuuji men e finaa tawaaji men.


E nder mbaa ngesa (blog) ɗoo non, miɗo etoo waylugol yoga e piiji, ɗi mi mari taaqa e mun: Immorde e ko ɗemngal ngal hatonjini e wayleed wano Informatik/internet, e Diina e Renndo e Janndeeji e Miijooji, ekn


Soondo kala, mi mooɓay mi suɓoo kala ko mi tawi hino nafitoree, mi saaka ɗum e mbaa ngesa, fii yo ɓiɓɓe fulɓe nafitor ɗum!


Kala ko tawuɗon gaa ko wonndi e nafa, hiɗon newnanaa wallitorgol, ko wano non kadi kala ko hawruɗon gaa ko wonndi e jiɓilɓi (compliqué), haray on toraama neldugol lam ɓatakuru e oo Iimeel: tafsir.salambande@gmail.com


Si tawii kadi hiɗon jogii pehe (suggession) fii ko ɓeydee e mbaa ngesa, haray ko saɗi ko toolii.

Mi sakkitoray kadi fahim wi’ugol: Ko toolii mon ka Blog am!


Tafsir BALDE fii ɓamtal pulaagu

Mi yettii on sanne!


Hollital:

Ko teddungal he mon janngooɓe tedduɓe, en heɓii lowre timmunde, ka waaweten remude, fotten winnden, jangen nafitoren, ka ɗemngal men, hinde innee: Misiide Ɓamtaare.

Ko jokkorde nden nii: www.misiide.com

Bismillah mon

Créer un site gratuit avec e-monsite - Signaler un contenu illicite sur ce site

×