Yoga e 6anntu6e fii eenternet


E  nder ndee  mbindande, en etoto andingol yoga e aademɓe( personalités) sembimɓe fii eenternet haa o heɓiri nii doole hande wano andirɗen ɗon, wondude e fotooji kala gooto e maɓɓe si geno on jaɓirii no wawri .

Tim Berners-Lee : cincuɗo (reseau..) andiraaɗo: (www): World Wide Web.

O cincirii ɗun ka aranere  e hitaande 1989 fii  newin gol yuɓɓodiral hakkudeeji (organization) ji europ yankooji.

Ɗun non golle oo web, ko yuɓɓidir gol hakkude mbinɗiɗin ka (naɓigateur)ji, newna kadi sottugol e ɗin( navigateurs) ji ko aldaa e sonjaa.

Ray Tomlinson : sincuɗo oo email.

 ko oo gorko hawniiɗo fiyaake woni ko sinci n’de maa nde (@) fii naɓidirangol bataake immorde ka eenternet.

O newiniri yuɓɓodiral hakkude ɗuɓe mawnuɗe (universities) e contine (continents)… haa mufti hande jamaa fof e nder aduna oo, nde tawude koɓuri miliyaaruuji himɓe hino gollirde ndee maande ñallal bee fii naɓubugol ɓataaake.

 

Robert Tappan Morris: adiiɗo e cincugol (virus).

Arande oo suka (programmeur)jo e moƴƴingol makko virus, o miijataano wonde ɗun wonay sabu ko bonnata (societes)ji heewuɗi, bonna kadi piiji ɗuuɗuɗi e nder eenternet. O moƴƴni kun prograamu wun togosun tawaykun hino waawa naatude e eenternet, e nder hen, ɗun yaajiniraa fii lorrirgol e wujjirgol (compte bancair)ji himɓe himɓe, e konandi e ɗii.

 

Sabeer Bhatia: cincudo on ”HOTMAIL” ko mokala e men huutorta fayda e der eenternet hande.

Oo gorko huutorii ndee made” html” fii moƴƴingol kañun hotmail, o saaki ɗun haa heɓi doole sabu andeede ɗun ka suudu eenternet, haa no Microsoft sooditiri ɗun nii e juuɗe makko, ɗun okkimo inde e banŋal “New York Times” ɓe jammimo  “entrepreneur of the yeah”, ko ɗun woni gorko anterpriz naajo on e nden hitaande. 

Larry Page and Sergey Brin: sincuɓe ɓen “GOOGLE” wiƴƴitirɗo ɓurude mawnude ka eenternet.

Ko ɓee sukaaɓe ɗiɗo woni ko sinci moter wiƴƴitordo andiraaɗo ndee inde “Google », motawata hande ko kanko woni arano e moter wiƴƴitoɗo ka enternet, tawaaɗu kadi e ɓuraaɗo gollirede e bangal wiƴƴagol e kowaa ɗun e golleejimakko andaaɗi wano firtugol hakkude haala naɓa e wokka goo(tarduction), maaɗun naɓirde maɓɓe ɓatakee doo (gmail), e ko wonaa ɗun kadi wano (youtube) moɓe sooditi e juuɗe ɓee sukaaɓe Chad Hurley, Steve Chen, Jawed Karim….

Google holli ko neeɓaa wondema hiɓe saatii yaltigol yubborde (systeme d’eƴploitation) suga windooj e ubuntu, ɓaawo yaltingol maɓɓe gooto e yuɓɓoodeeji fii talifon. 

 

Bill Gates: sincudo on “Microsoft”.

Koo o woni arano e sincuɗo yubbuudi wi”eteedi “graphical user interface”, o innitiri ɗun “windows”. Njuɓɓoodi ndi tawa mokala no gollirde hande e aduna on, hay leyɗe waasuɗe ɗen no golliramo .

 

David Filo and Jerry Yang: sincuɓeɓen “yahoo”.

Ko ɓee ɗiɗo woni ko sinci “yahoo”. Kongol yahoo non, ko nyoggugol (abereviation) ittaande  en nder inde  « Hierarchical Officious Oracle » , wondude e tenttingol maɓɓe fii yo ndee inde tabitu, ɗun e wonude ko nde jilɓude.

 

Jimmy Wales: sincuɗo on ensayklopiidiyaa wietee ɗo on “Wikipedia”.

Koo o woni sincuɗo ensayklopiidiyaa ɓuruɗo mawnude e nder eenternet.  Otawaa e ɓuruɓe ɓantude fii eenternet, ɗun non gila o yaltini ndee lowre makko hitaande 2001, o waɗi nde ɓurude mawnude e ruttorɗe moftude kala huude, nde tawata kadi gollirawɓe ndee ruttorde no waawa rewtagol piiji kowoni e mayre.

 

 Chad Hurley, Steve Chen, and Jawed Karim: sincuɓe ɓen “youtube”.

Ko ɓee sukaaɓe tato woni ko sinci youtube fii wattitugol wideyooji hakkudeeji jamaa on  ka eenternet, haa no google sooditiri ɗun nii e juuɗe maɓɓe ɓaawo nde o heɓi doole. Hande ko yahata million 1.5 wideyooji no saakitee e nder ndee lower ñallal.

 

 Mark Zuckerberg: sincuɗo on « facebook » .

Gaynugol makko jangugol, kisan o naati e sincuru ndee lower fii yuɓɓodiral hakkude maɓɓe kamɓe jangiduɓe ɓen, yaajiri non haa mufti kala jangoowo e nder leydi Amerik, hande ɗun moftii anduna on fof nde tawude ko yahata 88 miliyonji windiiɓe(member) e nder dee lowre fii andidiral e ko nandi e mun.

 Mark Zuckerberg  woni ɓuruɗo fanɗude e duuɓi hakkude milliardeer ɓeɓen ka aduna fewdoɗoo. “New York Times” okkimo inde aadenjo (personality) hitaande 2010.

 

Jack Dorsey: sincuɗo on “twitter”.

Ko oo woni jeyuɗo mojoɓere ɓurude mawnude ka jamaa futtata e eenternet fii humpodirgol hakkudeeji maɓɓe, e windirdugol miijooji maɓɓe…

Gorko laamiiɗo on leydi ɓurudi mawnude e aduna on (Amerik), no windii e mayre, ɗun non ko OBAMA mifaadii.

 

 

Ka sakkitorde, lan wi’a hary no woodi ɓuri ɓeeɗo daraniiɓe fii no eenternet ɓantora, e noɓurira welirde fii ka gollirgol. Haray konii kadi gooto fof e men haaniri etaade fii nafugol mofte mun, nafa diina mun, hay sitawii ko windugol e pulaar ko honno ɓatakuru naɓirtee e ko nanditata e ɗun. Mukala e men yo golliran leñol men ka waaawiri, ñande goo haray moƴƴii ɓuri nii.

On njaaraama.

 

Kuuɗol: Tafsir Dunntu Balde

 

 

  

Aucune note. Soyez le premier à attribuer une note !

Ajouter un commentaire

Vous utilisez un logiciel de type AdBlock, qui bloque le service de captchas publicitaires utilisé sur ce site. Pour pouvoir envoyer votre message, désactivez Adblock.

Créer un site gratuit avec e-monsite - Signaler un contenu illicite sur ce site

×