Faabee Somalii, Surron Afrik

 

Afrik neeɓii sonnjaade, kono wano Leydi Somalii kadi ɗuuɗaa e sonnjaa, ɗii lebbi yawtuɗi ɗoo ɓe sonnjorii neemaaji Alla heewuɗi ; wano ndiyan e ñaametee, ɗun non hino ɓurta tun yaajude soondo kala, ñannde woo sitta hannki ndii hannde, ee ko ko yurmi ! Taw si ɓee kan alaa wallooɓe !! mi sikka, sabu Afrik e Alɗere (Richesse) mun nden yonii ko faaboo ɓee himmɓe ! Kono wonaa no sikkir ɗen non yo jamaa !!

Sugu ko woni feƴƴude kon hannde Somalii goonginay Penaale ɗe Himmɓe hirnaange (Occident) fefindotoo e Afrik wonnde ko kontinal (Continet) tammpirɗo, (Ñabbeeli, Heege...), hara non si en fensitu ɗun fota en taway ko fenaande heɓɓitaande, tawde non kala ko ɓe alɗori kon ka maɓɓe fow ko ka men gaa ɓe itti, janndeeji kesi ɗin kadi hino holli onnde Arik hino jogitii ngaluuji heewuɗi ɗi heɓotaako si wonaa ɗoo, wano non, wano non !!!

Ko wano non kadi ɗen gannde kese holliri wonnde remuru ndun Sudan tun si kippiraama no haaniri yonay ko fagga ɓiɓɓe Afrik haa heddoo, si ko Petorol hi ɗen mari, si ko jaaman hi ɗen mari, ittii e sikke si ko kanŋe maa kaalisi, ka raɓɓindinngol, en wi'ay kala ko wi'etee kon ngalu aduna hino heɓoo ka men tawa ko ko yananta en ko faggoren ! Kono hino woodi lelli !!

Ɗunnɗoo fow yo waalo maaya, rutto ɗen e Feddeeji (Organisations) winndere yannkooji halfinaaɗi sugu ɗii piiji si arii e waɗude, si en limiiɗi, en taway hiɗi woodaa sanne, kono fannɗi e maɓɓe waɗuɓe ko duwaa kon, sabu si gooto kala e maɓɓe waɗii yeru mun on, ɓe jinngii oo masiibo ; ɓurayno nii, kono no yurmi tun jamaa !!

Awa si en etanaaki hoore men ka lawɗi, haray en ɓurtii yurmude, gooto kala e men yo waɗu yeru mun on haa wonen sabu ittugol siɓɓe men ɓen e ndee tampere, tenntinii maruɓe men ɓen, ɓayri si Afrik hino tammpi woɓɓe anndaa ɗun ! En fow hiɗen anndi ɗun musiɓɓe, wonaa ko suuɗii, awa jonni ndirin juuɗi fii haɓugol sugu ɗii masiibooji ka men !

Awa si tawii kooko woni feƴƴude Somalii hino yurmani ɓuruɓe goo, woɓɓe goo kadi ɗun ko ko jalnaniiɓe yo jamaa mi yewta on si on anndaa !!

Ñannde goo miɗo hayloo ka ca'un Facebook, e nder hen hawrumi e Fotoowal paykun ka ɓoorii jooɗi e leydi somalii, hino horii haa hatti, tawi non ko yoga e Naare hoy goo naadi ɗun e fottirde maɓɓe fija jalaare (fii njalniika), saaku ɗo on ngal Fotoowal miɗo anndi mo, mi torii mo nde o monntata ngal, ɗun woni haalawil juutungil, ko karahan o monntiri ngal, kono tawi ɓe waɗiino ko ɓe faalaa kon, jalugol ɓanndu ɓaleeru ndun, holla jaasere mayru, ɗun hino letti !!

Wonaa kammɓe tun goy, si on wattanii yiila e Teleeji maɓɓe njani ɗin kadi wano (Al jazzera..), on tawy ɓen kadi ɗuɗaa yaltinnde Afrik si wonaa ka wartindirooji woni, maa ka heege e ɗonka woni....sugu ko woni feƴƴude kon hannde Somalii, ɗun ko anngal hittingol fii ka men non !!

Awa wota fow añu en, enen kadi añen hoore men, haray en wonii sago gaño ! Wallindiren, wallen tampuɓe men, jonni ndiren juuɗi fii ɓamntaare Afrika ! Yo Alla ɓurtu wallude en no yi'iren ndaygu ka men ! Aamiin.

Kala non maruɗo feere wallitagol ɓee hatonnjimmɓe ɗoo, toraama winndanngol gooto e ɗii Feddeeji arooji ɗoo, ɓen ɗon hino tawaa e kippuɓe fii wallitagol sugu ɓee himɓe wonuɓe e ɗii masiibooji, annditen non haray mbuuɗuru wooturu ndu naadeten e ɗunnɗoo wonay sabu reenugol wonnkiiji heewudi, baraaji ɗun ɗon ɗin le ko Alla tun anndi ittiri mun on.

Feddeji ɗin hino e ɗee selirɗe (liens) ɗoo:

http://eidcharity.dyndns.info/donatetoeid/donate.aspx

http://direct-aid.org/cms/

http://raf-thani.com/

http://www.ems.org.eg/akhpar_hama/%D8%AA%D8%A8%D8%B1%D8%B9%D9%88%D8%A7%20%D9%84%D9%84%D8%B5%D9%88%D9%85%D8%A7%D9%84.htm

http://www.khaironline.net/Projects_view.aspx?ArticleID=185&Cat=12

 

 

Tafsiir BALDE 

Aucune note. Soyez le premier à attribuer une note !

Commentaires (1)

1. goomiaxyinamn (site web) 05/11/2012

Faabee Somalii, Surron Afrik - Ngsa Pinal e Diina
<a href=http://saclongchampsmagsinns.webnode.fr/>longchamp</a>

Ajouter un commentaire

Vous utilisez un logiciel de type AdBlock, qui bloque le service de captchas publicitaires utilisé sur ce site. Pour pouvoir envoyer votre message, désactivez Adblock.

Créer un site gratuit avec e-monsite - Signaler un contenu illicite sur ce site

×