6ural Immagol Jemma

Nulaaɗo Muhammad (SAW) holli e Hadiise maɓɓe « Mi yamirii on immagol jemma ngam (sabu) ɗun ko jikku himmɓe moƴƴuɓe adiiɓe on, e ɓattorɗun joomi mon (Alla), e yawtirɗun goopi, e montirɗun bakkatuuji, e raɗorɗun ñawu immorde e ɓamndu ndu ».

Tippude e oo maaku nulaaɗo men on ɗoo ; hiɗen faama wonnde immagol jemma ngol naafa hino heewi nafooreeji sanne sanne, ɗin nafooreeji hino wona e banŋal diina maa banŋal cellal ; ko ɗun woni nafa men enen tigiri !

Fii immagol non jemma, neɗɗo on hino waawi senndirde jemma on no neworannta mo woo ; wano sendirgol mo (Jemma on) pecce ɗiɗi (2) ; o waɗa peccal fii ɗaanagol fowtina wonnkii kin, o immoo e ngal peccal fii naafugol toroo Alla...haa ka takko subaka, o jokkitoo ɗon ko hikkii kon !

Fillaama e Abdullay bun amru wondema Nulaaɗo on (SAW) maakii : « Tabitii ko ɓuraa yiɗeede e korkaaji ɗin ka Alla, ko korka Annabi Daawuuda ; o laatinoke himo hooraynoo ñallal, o hunntoo (O ñaama) ñallal.., Ko ɓuraa yiɗeede kadi e julde ka Allaahu tedduɗo toowuɗo on ko julde Annabi Daawuude nden ; o laatike himo ɗaanotonoo feccere jemma on o immoo tataɓal makko on, o ɗaanoo jeegaɓal makko on (jemma on)..., Hino woodano immagol jemma ngol maloore ka cuuɗi ɗiɗi (2) (Aduna e Laakara)..., goɗɗo hino juulira jemma ; Allahu on waɗa annoora ka yeeso makko...Malayka en jippoo ɓe heɗitoo janngin makko on.., si o gaynii julde makko nden o jooɗanike du'agol ngol ; malayka en huuɓitay mo ɓe amminay du'aa makko on... »

Imaam Alhasan Albasrii lanndano :  Ko waɗi si tawii tiniiɓe jemma ɓen hino ɓuri jamaa on labeede e geece ?, Ceerno on jaabi : « Ko nde tawude ɓe ufinanike jon yurmeende on (Alla), o ɓorniri ɓe immorde e annoora makko on » !

(Allaahu on hino fewnira annoora makko on kala on mo o faalaa), kala on mo Alla arsiki annoora e yeeso ka aduna ; o ɗoworay ɗun ñannde darngal ».

Eggaama e neene Aa'isha yo yurmeende Alla wonu e maɓɓe wonnde nulaaɗo (SAW) hino udditiraynoo julde jemma nden Habbirgol (Takbir) laaɓi sappo, ɓe Hamdinoo sappo, ɓe Subbunhinoo sappo, ɓe haforonoo (istighfaar) sappo, ɓe maaka :

اللهم اغفر لي واهدني وارزقني وعافني ويتعوذ من ضيق المقام يوم القيامة”

Yo Alla arsiku en immagol juula jemma, o okka en nafooreeji ko woni e mun !

   

Kuuɗol : Tafsiir BALDE

 

Aucune note. Soyez le premier à attribuer une note !

Ajouter un commentaire

Vous utilisez un logiciel de type AdBlock, qui bloque le service de captchas publicitaires utilisé sur ce site. Pour pouvoir envoyer votre message, désactivez Adblock.

Créer un site gratuit avec e-monsite - Signaler un contenu illicite sur ce site

×